У Пінску ў склепе дома знайшлі мумію

• 25.10.2021, 10:47

Цела належыць мужчыну.

Цела невядомага чалавека знайшлі ў сутарэнні шматпавярховіка ў Пінску. Камунальнікі патэлефанавалі ў міліцыю.

Экспэрты высветлілі, што гэта мужчына, цела якога "знаходзіцца ў стане муміфікацыі". Труп праляжаў у склепе больш за месяц.

Пры памерлым не было ніякіх дакументаў. Аднак спецыялісты праз базу ДНК выявілі, што гэта 60-гадовы жыхар Пінскага раёна.

СК праводзіць праверку.