ЕЗ увядзе санкцыі супраць беларускага рэжыму праз нелегалаў

• 22.10.2021, 17:10

Абмежаванні увядуць як супраць кампаній, так і супраць асобных людзей.

Еўразвяз прадоўжыць змагацца з гібрыднай атакай з боку беларускага рэжыму і ўвядзе дадатковыя абмежавальныя захады ў дачыненні да фізічных асоб і кампаній, паведамляе карэспандэнт RFE/RL Рыкард Ёзвяк.

Гэта стала вядома пасля саміту Рады ЕЗ, які праходзіў 21-22 кастрычніка.

Абмежаванні ўвядуць як супраць кампаній, якія дастаўляюць мігрантаў у Беларусь і далей да мяжы ЕЗ, так і ў дачыненні да людзей, заменчаных у гэтых схемах.