Грузінскі тэлеканал паказаў відэа з Саакашвілі з фуры са смятанай

• 22.10.2021, 16:49

Магчыма, ён рыхтаваў інсцэніроўку.

Праўладны грузінскі тэлеканал «Імедзі» выпусціў сюжэт з відэа, на якім экс-прэзідэнт краіны Міхаіл Саакашвілі на шляху ў Грузію распавядае, што яго нібыта выкралі.

Пра гэта паведамляюць «Навіны-Грузія».

Мяркуюць, што відэа знятае ў фуры з малочнымі прадуктамі, у якой Саакашвілі таемна прыехаў з Украіны ў Грузію.

Палітык распавядае, што яго нібыта выкралі і ён не ведае, спецслужбы якой краіны стаяць за гэтым. У сюжэце распавядаюць, што Саакашвілі напэўна рыхтаваў інсцэніроўку на выпадак, калі не зможа патрапіць у Грузію.

Адвакат Міхаіла Саакашвілі Бека Басілая заявіў, што з'яўленне відэа з тэлефона Саакашвілі ў праграме «Імедзі» азначае, што яго туды перадала пракуратура, пры гэтым не пацвердзіўшы і не аспрэчыўшы, што відэа сапраўднае.