Карыстальнікі паведамілі аб хібах у дзейнасці Instagram

• 20.10.2021, 20:02

Большасць скаргаў было звязаная з дзейнасцю мабільнай праграмы.

Карыстальнікі Instagram з шэрагу краін паскардзіліся на хібы ў дзейнасці сацыяльнай сеткі. Пра гэта сведчаць звесткі сайту Downdetector.

Большасць скаргаў (52%) была звязаная з дзейнасцю мабільнай праграмы, 34% скаргаў – з хібамі пры публікацыі допісаў, яшчэ 14% - з дзейнасцю вэб-сайту.

З аналагічнымі праблемамі сутыкаюцца жыхары Канады, Вялікай Брытаніі, Гішпаніі, Італіі, Швэцыі. Найбольшая колькасць скаргаў паступіла ад карыстальнікаў Instagram з ЗША - 780.