Літва і Польшча злучылі свае газаправоды

• 20.10.2021, 14:04

У наступным годзе газ пачне цыркуляваць паміж краінамі.

У рамках пракладкі магістральнага газаправода (GIPL) паміж Літвой і Польшчай зваранае так званае "залатое шво", якое злучае сістэмы перадачы газу дзвюх краін.

Пра гэта паведамляе "Еўрапейская праўда".

Літоўская кампанія Amber Grid заявіла, што падчас рэалізацыі праекту ў Літве было выканана 95% будаўнічых работ.

Трэба закончыць работы абсталявання і праверкі трубаправода. У наступным годзе газ пачне цыркуляваць паміж краінамі.

22 кастрычніка міністр энэргетыкі Літвы Дайнюс Крэйвіс і ўпаўнаважаны ўрада Польшчы ў стратэгічнай энэргетычнай інфраструктуры Пётр Наімскі наведаюць газаправод на літоўска-польскай мяжы.

Агульная працягласць трубы складае 508 км, з іх 165 км пракладзеная на тэрыторыі Літвы, а ў Польшчы газаправод будзе працягласцю 343 км.