Палёт Мі-8 у Расеі скончыўся аварыйнай пасадкай
- 19.10.2021, 11:03
Чарговае надзвычайнае здарэнне з гелікаптэрам адбылося на Таймыры.
Гелікаптэр Мі-8 перапыніў палёт і здзейсніў пазапланавую пасадку на Таймыры, паведаміў «Інтэрфаксу» інфармаваная крыніца.
Са слоў суразмоўцы агенцтва, гелікаптэр сеў за некалькі кіламетраў ад вёскі Каравул.
На борце знаходзяцца 11 чалавек. Са слоў крыніцы, пасажыры і экіпаж выжылі пры аварыйнай пасадцы.