Reuters: У новы пакет санкцый ЕЗ можа быць уключаны кіраўнік МЗС Беларусі Макей

• 18.10.2021, 21:23

ЕЗ уважае Макея датычным да ўдзелу ў кампаніі прасоўвання нелегальнай міграцыі ў ЕЗ.

Новы, пяты пакет санкцый Еўразвязу супраць Беларусі можа ўключаць забаронныя захады супраць міністра замежных спраў Беларусі Уладзіміра Макея, паведамляе Reuters.

Еўразвяз лічыць Макея датычным да ўдзелу ў кампаніі прасоўвання нелегальнай міграцыі ў ЕЗ.

Пяты пакет санкцый Еўразвязу супраць уладаў Беларусі можа быць гатовы да канца кастрычніка. Цяпер Брусэль рыхтуе меры для таго, каб спыніць наплыў мігрантаў у краіны Еўразвязу праз Беларусь, і зварот з заклікам да краін, з якіх прыбываюць уцекачы, не перавозіць іх у Беларусь.