У Польшчы адбылося два землятрусы
- 18.10.2021, 18:10
Адзін з землятрусаў здарыўся непадалёк ад горада Легніца.
17 кастрычніка ў Польшчы здарылася два землятрусы. Пра гэта паведаміў Еўрапейска-міжземнаморскі сейсмалагічны цэнтр (EMSC).
Першы, магнітудай 4,6, адбыўся за 61 км на паўднёвы ўсход ад Зялёна-Гуры, горада з насельніцтвам у 139,3 тысячы жыхароў.
Эпіцэнтр падземных штуршкоў другога землятрусу размяшчаўся за 46 км на поўнач ад горада Легніца, у якім пражываюць 106 тысяч чалавек. Асяродак залягаў на глыбіні 10 км.
Мясцовыя СМІ аб разбурэннях або пацярпелых не паведамлялі.