Паклонскую падставілі

• Телеграм-канал «Серпом По»
• 17.10.2021, 14:53

У Каба-Вэрдэ ўжо ёсць досвед.

Кіраўнік Пуцін выпісаў «няш-мяш» Паклонскую з Дзярждумы і прызначыў яе амбасадарам Расеі ў Каба-Вэрдэ, далёкіх выспах у Атлантыцы.

Між тым, Украіна патрабуе ад Каба-Вэрдэ выдачы Паклонскай, абвінавачваючы яе ў дзяржаўнай здрадзе.

І могуць жа выдаць, калі Паклонская прыбудзе на выспы.

У Каба-Вэрдэ ўжо ёсць досвед - кагадзе яны экстрадавалі ў Злучаныя Штаты спецпасланніка Венесуэлы ў Афрыканскім саюзе Алекса Сааба. Дыпламатычны статус не ратаваў.

Вядома, Украіна - не Злучаныя Штаты. Да яе патрабавання ў Каба-Вэрдэ могуць паставіцца інакш.

І ўсё ж, рызыка для Паклонскай ёсць. І стаўка ў гэтай справе высокая. Уявіце сабе арышт Паклонскай, яе прыбыццё ў Кіеў, адкрыты суд, прысуд. Калі падзеі пойдуць паводле такога сцэнару, то гэта будзе вялікая маральная перамога Украіны. І урокам для ўсіх здраднікаў, якія здрадзілі прысязе.

Таму, на месцы Пуціна і Лаўрова лепш бы перагледзець рашэнне і пакінуць Паклонскую ў Расеі. Ад граху далей. Хай ужо тут з абразом Мікалая II ходзіць.

Тэлеграм-канал «Серпом По»