BE RU EN

Бульбачка на ледаколах

  • TELEGRAM-КАНАЛ «СЕРПОМПО»
  • 15.10.2021, 21:20

Расейскай уладзе пакуль не да чукчаў і камчадалаў.

Бульба засталася ў адной краме. У Расеі ў адміністрацыі Правідзенскай гарадской акругі (Чукотка) заяўляюць аб «напружанай абстаноўцы з прадуктамі».

«Напружаная абстаноўка» з дастаўкай прадуктаў і іншых грузаў не толькі на Чукотку, але і на Камчатку. Кіраўнік Камчаткі Соладаў кажа пра затрымку на 3 месяцы, начальнік Чукоткі Колпін паведамляе, што з ліпеня да верасня ў рэгіён заходзіла ў 3 разы менш караблёў, чым звычайна. Г.зн. у самую навігацыю, у разгар т.зв. «Паўночнага завозу».

Зараз, каб завесці на Чукотку бульбу, давядзецца выкарыстоўваць ледаколы.

Камчацкі губернатар вінаваціць ва ўсім «крызіс глабальнай лагістыкі» і «перанакіраванне грузаў з Кітая з Суэцкага канала на Транссіб».

Зразумела, расейскія ўлады не пры чым. Губернатары толькі прачнуліся і б'юць чалом паўнамоцнаму прадстаўніку Трутневу, просячы ратунку. Мішусцін прыдумляе, як загаварыць рост коштаў. Пуцін павучае Захад, прагінаючы яго пад «Паўночную плынь-2».

Пакуль не да чукчаў і камчадалаў.

Але да выбараў Пуціна-2024 абяцаюць транспартны калідор цэлы год!

Telegram-канал «СерпомПо»

Апошнія навіны