Як выглядаюць і колькі каштуюць недарагія дамы з маляўнічым выглядам з вокнаў у Менскай вобласці
- 15.10.2021, 15:58
Адзін з дамоў знаходзіцца ў 40 хвілінах язды ад МКАД у вёсцы Кумельшчыне.
Realt знайшоў дома, у вокнах якіх адлюстроўваецца ўся пышнасць прыроды. Паглядзіце, у якіх катэджах Менскай вобласці фантазіі пра жыццё на прыродзе могуць ператварыцца ў жыццё за невялікі кошт.
Дом у вёсцы Пасемкавічах за 17 тысяч даляраў
Дом знаходзіцца ў 160 км ад МКАД у Крупскім раёне Менскай вобласці.
Аўтар аб'явы ніякіх фатаграфій інтэр'ераў не прымацаваў. Аднак, падзяліўся відамі, якія адкрываюцца з пляцу 7 сотак.
Дом пабудаваны са зруба. З мінусаў - адсутнасць камунікацый. Плюсы хоць і маленькія, але ёсць. На тэрыторыі знаходзіцца калодзеж, таму без вады ніхто не застанецца.
Акрамя жылога дома, на надзеле размяшчаюцца гаспадарчыя пабудовы і квітнее сад.
Дом у вёсцы Кумельшчыне за 23 тысячы даляраў
Ад МКАД да вёскі Кумельшчыны 40 хвілін язды.
Дом знаходзіцца побач з ракой Віліяй, але, каб на яе зірнуць, трэба будзе трохі прайсці. А вось з вокнаў адкрываецца выгляд на прасторныя палеткі і густы лес.
На пляцы 24 соткі ўзведзены дом са зруба D32. Будынак плошчай 33,8 «квадратаў» можна выкарыстоўваць як жылы дом або абсталяваць там прасторную лазню.
Дом у вёсцы Грумбінентах за 25 тысяч даляраў
Грумбіненты называюць беларускай Щвайцарыяй у Мядзельскім раёне. Там знаходзяцца Блакітныя азёры - частка запаведнай зоны Нацыянальнага парка «Нарачанскі».
Там жа, на надзеле 21 сотка, стаіць двухпавярховы дом 2016 года пабудовы. Яго агульная плошча складае 78,55 квадратных метраў.
Ён узведзены з ацыліндраванага бруса, а ўнутры абабіты вагонкай. Каналізацыю і ацяпленне ў дом не праводзілі.
Дом у вёсцы Дулічах за 39 900 даляраў
Вёска Дулічы знаходзіцца ў 22 км ад МКАД у Ракаўскім кірунку.
Аўтар аб'явы прапануе выкарыстоўваць аб'ект як домік для гасцей ці лазню. Але ў такім двухпавярховым катэджы з мансардай і тэрасай самому б пажыць.
Яго ўзвялі сёлета з бруса на ўскрайку пляцу 15 сотак.
Каналізацыю, газ і электрычнасць не правялі, але такая магчымасць ёсць. Уладальнікі дома разглядаюць варыянт абмену на аднапакаёвую кватэру ў Менску.
Дом у вёсцы Слуках за 48 тысяч даляраў
У гэтым жа раёне выстаўлены на продаж жылы дом з надзелам памерам 33 соткі. Ён абсталяваны электрычнасцю, вадой і пячным ацяпленнем. У доме тры печы.
На другім паверсе дома выступае вялікі гаўбец, адкуль адкрываецца выгляд на возера. Плошча катэджа 100,2 «квадрата».
Акрамя таго на тэрыторыі пабудаваны хлеў у два паверхі, ёсць сажалка з рыбай і ўзведзены падмурак пад лазню і альтанку. Усе архітэктурныя праекты ўзаконеныя.
Лецішча ў садовым таварыстве «Аер» за 52 тысячы даляраў
Садовае таварыства знаходзіцца ў Валожынскім раёне.
Дом пабудавалі сёлета і ён цалкам гатовы да пражывання. Ацяпленне выкарыстоўваецца электрычнае. Каналізацыя мясцовая, а вада - сезонная. Усе разведзенае па доме.
Катэдж займае 83 квадратныя метры на 8 сотках.
Дом у вёсцы Раваніцкай Слабадзе за 79 900 даляраў
Вёска знаходзіцца ў Чэрвеньскім раёне.
Дом стаіць ля самага берага ракі Уша. Яго пабудавалі яшчэ летась і ён амаль гатовы да засялення.
Сцены зробленыя з блокаў 300 мм і ўцяпляльніка 50 мм. Усе сцены ўнутры аштукатураныя і зашпакляваныя. Ацяпленне электрычнае, падлогі з падагрэвам. На тэрыторыі выведзеная свая свідравіна і праведзеная каналізацыя.
Зямля 12,5 сотак знаходзіцца ў прыватнай уласнасці. Агульная плошча дома складае 115 м².