Ад каранавіруса памёр вядомы бізнэсовец Юрый Данькоў
- 15.10.2021, 10:14
Уладальнік легендарнага Dankoff Club у Менску ў 2001 годзе спрабаваў удзельнічаць у прэзідэнцкай гонцы.
Ад каранавіруса ў Гомелі памёр бізнэсовец Юрый Данькоў, былы ўладальнік легендарнага Dankoff Club у Менску, паведамляе «Еўрарадыё».
Юрый Данькоў у мінулым буйны прадпрымальнік, мецэнат, дэпутат Менгарсавета, у 2001 годзе спрабаваў удзельнічаць у прэзідэнцкай гонцы.
У 2012 супраць яго завялі крымінальную справу, у выніку чаго асудзілі на 8 гадоў пазбаўлення волі паводле 7 артыкулаў.