Крысціна Ціманоўская: Я назірала, як праз сувязі прапіхваюць людзей у зборныя

• 10.10.2021, 10:20

Спартоўка расказала, што адбываецца ў Беларускай федэрацыі лёгкай атлетыкі.

Беларуская бягуха Крысціна Ціманоўская расказала, што ў зборную Беларусі ў лёгкай атлетыцы некаторыя спартоўцы трапляюць праз сувязі.

«Калі б вы ведалі, колькіх спартоўцаў яны (Беларуская федэрацыя лёгкай атлетыкі) загубілі. Нават я назірала тое, як праз сувязі прапіхваюць людзей у зборныя, а перспектыўныя павінны сыходзіць.

Я 20-разовая чэмпіёнка і рэкардсменка Беларусі, але, на жаль, гэтая зборная ўжо забылася ўсё», – напісала Ціманоўская ў сябе ў Instаgram.