Вольга Хіжынкова: Змагацца з такімі людзьмі, як я, - гэта распісацца ў сваёй слабасці

• 28.01.2021, 20:00

Міс Беларусь-2008 пракаментавала свой арышт на 42 дні за ўдзел у пратэстах.

Экс-прэс-сакратарка берасцейскага «Дынама», міс Беларусь-2008 Вольга Хіжынкова, якая прабыла ў зняволенні 42 дні за ўдзел у акцыях пратэсту, у новым выпуску на канале «жыццё-маліна» падзялілася меркаваннем пра навіны, калі даведалася пра тое, што не праводзілася праверка з нагоды ўмоваў утрымання ў турме, паведамляе «Трибуна».

- Камітэт катаванняў атрымаў адмову ў пачатку праверкі з нагоды твайго ўтрымання. Як ты адрэагавала на гэтую навіну?

- Нічога новага. Гэта было б дзіўна, калі б яны прызналі, што гэта было катаванне. Чаго, гэта ж нармальна, гэта ж нічога страшнага. Мяне ж там не катавалі, не рэзалі, не калолі, не білі. Падумаеш. Ад гэтага ж не паміраюць, напэўна, у іх такая логіка (смяецца).

- Ці лічыш ты свае 42 дні ў турме нейкай персанальнай помстай ад улады, маўляў, дзяржаўны конкурс, які зрабіў цябе...

- Упэўнена ў гэтым. Не ведаю, каму гэта трэба. У прынцыпе не разумею, што там адбываецца. Кіруюся толькі агульнай інфармацыяй, але маё асабістае пачуццё - вядома, я ўпэўненая ў гэтым. Маўляў, мы табе тут далі ўсе - тур у жыццё, а ты тут такая няўдзячная, фанабэрышся.

Мне здаецца, што барацьба ўлады з такімі людзьмі, як я, якія не з’яўляюцца палітычнымі дзеячамі, не з'яўляюцца лідарамі меркаванняў, блогерамі або уплывовымі - гэта прызнаць сваю слабасць. Змагацца з такімі людзьмі, як я, - гэта распісацца ў сваёй слабасці, мне так здаецца, - сказала Хіжынкова.