Энтані Блінкен: ЗША могуць зрабіць канкрэтныя дзеянні супраць Расеі
- 28.01.2021, 10:17
Кіраўнік Дзярждэпартамента выступіў з цвёрдай заявай праз арышт Навальнага.
ЗША «глыбока занепакоеныя» сітуацыяй вакол апазіцыянера Аляксея Навальнага і разважаюць над захадамі ў адказ пасля ягонага арышту ў Расеі.
Пра гэта заявіў дзяржсакратар ЗША Энтані Блінкен, паведамляе Reuters.
«Мы глыбока ўстурбаваныя бяспекай спадара Навальнага, і галоўнае, што ягоны голас - гэта голас шмат каго з расейцаў, якіх трэба пачуць, а не затыкаць ім рот», - заявіў Блінкен.
Ён удакладніў, што не выключае, што ЗША могуць зрабіць у адказ «канкрэтныя дзеянні».
Дзяржсакратар таксама заявіў, што Белы дом правядзе поўны перагляд зламыснай дзейнасці Расеі, уключаючы выкарыстанне хімічнай зброі, кібератакі, умяшальніцтва ў амерыканскія выбары і прапанову ўзнагарод за атакі на амерыканскія войскі ў Афганістане.