У расейскай вакцыны «Спадарожнік V» выявілі новыя супрацьпаказанні

• 26.01.2021, 9:10

Прэпарат нясе рызыкі для некалькіх катэгорый людзей.

У расейскай вакцыны «Спадарожнік V» выявілі новыя небяспечныя супрацьпаказанні. Пра гэта са спасылкай на новую інструкцыю для медыцынскага ўжывання вакцыны паведамляе lenta.ua.

Паводле паведамлення, у інструкцыі ўдакладняецца, што вакцынацыя «Спадарожнікам V» можа прадстаўляць рызыку для некаторых груп людзей.

«Вакцынацыя можа быць рызыкоўнай для наступных груп пацыентаў: з аўтаімуннымі захворваннямі (стымуляцыя імуннай сістэмы можа прывесці да абвастрэння захворвання, асабліва варта з асцярожнасцю ставіцца да пацыентаў з аўтаімуннай паталогіяй, якая мае тэндэнцыю да развіцця цяжкіх і пагражаючых жыццю станаў); са злаякаснымі наватворамі», - гаворыцца ў інструкцыі.

Нагадаем. Нядаўна Нацыянальнае агенцтва санітарнага нагляду (Anvisa) Бразіліі адхіліла запыт на рэгістрацыю расейскай вакцыны «Спадарожнік V» праз яе неадпаведнасць бразільскім дзяржаўным патрабаванням.