Заўтра ў некалькіх кварталах Новай Баравой не будзе гарачай вады і цяпла

• 25.01.2021, 19:04

Будуць праводзіцца рамонтныя работы.

У аўторак, 26 студзеня, у некалькіх кварталах Новай Баравой не будзе ацяплення і гарачай вады. Пра гэта ў тэлеграм-канале паведаміла кампанія «А-100 Камфорт», якая абслугоўвае раён.

З 9.00 да 12.00 «Менская раённая цепласетка» будзе праводзіць рамонтныя работы ў кацельні «Копішча-2», размешчанай на вуліцы Камова, піша «А-100 Камфорт».

У сувязі з гэтым у кварталах «Цэнтральны парк», «Нясумны сад», «Паўночнае ззянне», «Квартал-парк» і «Каляровы квартал» удзень не будзе ацяплення і гарачай вады.

Інфармацыю аб адключэннях пацвярджаюць у «Менскай раённай цепласетцы».