Экспэртка распавяла спосаб спаць на гадзіну даўжэй

• 21.01.2021, 21:28

Просты спосаб дасягнення паўнавартаснага сну распавяла аўстралійская самнолаг.

Аўстралійская самнолаг распавяла просты спосаб дасягнення паўнавартаснага сну. Адпаведны матэрыял публікуе Daily Mail.

Са слоў Алівіі Арэцола (Olivia Arezzolo), ужыванне амега-3 спрыяе таму, што чалавек спіць на гадзіну даўжэй і высыпаецца - гэта было пацверджана клінічнымі выпрабаваннямі. «Дэфіцыт амега-3 можа садзейнічаць зніжэнню гармону сну мелатаніна, у той час як з'яўленне гэтай дабаўкі ў рацыёне падтрымлівае яго ўзровень, памяншае трывожнасць і да вечара выклікае жаданне спаць», - патлумачыла яна.

Экспертка адзначыла, што тлустыя кіслоты ўтрымліваюцца пераважна ў рыбе: ласосі, скумбрыі, тунцу. Вегетарыянцы і веганы могуць папоўніць амега-3, дадаўшы у рацыён насенне канопляў, арэхі і алеі (ільняны, соевы і алей канолы).

Акрамя таго, Арэцола падзялілася сваім эфектыўным метадам падрыхтоўкі да сну, якой яна прытрымліваецца кожны вечар. Самнолаг практыкуе глыбокае дыханне жыватом і медытацыю. Акрамя гэтага яна п'е рамонкавую гарбату і прымае магній - яны спрыяюць расслабленню арганізма.

Таксама экспэртка падкрэсліла важнасць асвятлення ў пакоі. "Ведайце, што сіняе святло, змяншае выпрацоўку мелатаніну і спрыяе парушэнню сну. Менавіта яно выпраменьваецца ад столевых свяцільнікаў у ванным пакоі, спальні і ад экрана тэлефона», - падзялілася яна, дадаўшы, што незадоўга да сну варта адключыць святло і адкласці гаджэты.