Беларусы Уроцлава выйшлі на акцыю салідарнасці з Ігарам Лосікам

• 21.01.2021, 12:40

Відэафакт.

Беларусы Уроцлава (Польшча) 20 студзеня правялі ў цэнтры горада акцыю салідарнасці з Ігарам Лосікам, паведамляе тэлеграм-канал «Хартыя-97%».

«Сваёй акцыяй мы, беларусы Уроцлава, хочам прыцягнуць увагу міжнароднай грамадскасці да галадоўкі блогера.

Для гэтага падчас акцыі быў арганізаваны збор подпісаў пад зваротам да ўладаў горада, ваяводства, а таксама еўрапейскім і амерыканскім чыноўнікам з просьбай падключыць усе магчымыя механізмы для выратавання жыцця палітвязня, які галадае 37 дзён.

Мы ўважаем за недапушчальны і абуральны крымінальны пераслед палітычна актыўных грамадзян Беларусі.

Свабоду Ігару Лосіку!» - пішуць чытачы канала.