Байдэн: У Амерыцы наступіў новы дзень

• 20.01.2021, 18:43

Такі допіс у Twitter ён зрабіў пасля таго, як Трамп пакінуў Белы дом.

Новаабраны прэзідэнт ЗША Джо Байдэн у дзень сваёй інаўгурацыі заявіў пра наступленне новага дня ў Амерыцы. Такі допіс у Twitter ён зрабіў пасля таго, як Дональд Трамп пакінуў Белы дом.

«У Амерыцы наступіў новы дзень», - напісаў ён.

Менш чым праз дзве гадзіны адбудзецца інаўгурацыі Байдэна.

Байдэн і ягоны віцэ-прэзідэнт Камала Харыс ужо наведалі царкоўную службу ў саборы Святога Апостала Матфея.

Яны ўжо прыбылі ў Капітолій, дзе а 18:15 адбудзецца прысяга Харыс.

А 19.00 Джо Байдэн прыме прысягу ў якасці 46-га прэзідэнта ЗША і вымавіць інаўгурацыйную прамову.

А 20:40 Байдэн і Харыс правераць гатоўнасць войскаў да парада, а 21:25 - ускладуць кветкі да магілы невядомага жаўнера на Арлінгтонскіх могілках і да 22:15 паедуць у Белы дом.

Пазней Байдэн падпіша першыя ўказы і прывядзе да прысягі новых чальцоў сваёй адміністрацыі.