У студзені 2021 года беларусы марнуюць рэкордную колькасць электраэнэргіі
- 19.01.2021, 20:44
Моцныя маразы прыйшлі ў краіну.
Пра тое, што ў студзені 2021-га года ў Беларусі ў сістэме Мінэнэрга зафіксавана пікавае значэнне спажывання магутнасці за апошнія 8 гадоў, паведаміла прэс-служба ведамства ў тэлеграм-канале.
Самы вялікі пік спажывання электраэнэргіі ў Белэнэрга зафіксавалі ў панядзелак, 18 студзеня, пры сярэднясутачным марозе ў -18,6 градусаў. Такога, кажуць у ведамстве, у Беларусі не здаралася за апошнія восем гадоў назіранняў.
Ды і наогул, за апошнія 22 гады гэта стала самым вялікім значэннем пікавага спажывання магутнасці.
- Раней такі высокі паказчык фіксавалі толькі ў 2006, 2012, 2013 гадах, - пракаментавалі ў Мінэнэрга.
У ведамстве ўважаюць, што пікавая магутнасць спажывання электраэнэргіі звязана з нізкімі тэмпературамі.
Пры гэтым маразы не перашкаджалі працы сістэм Белэнэрга: электрастанцыі, цепласеткі і кацельні, усе аператыўна-дыспетчарскія службы ў гэты пікавы перыяд адпрацавалі ўстойліва і без перабояў.