«Эканамічная шкода ворагу - гэта магутная карысць нашай справе»

• 19.01.2021, 11:19

Далучайся да страйку!

Зварот удзельніка страйкавага камітэта ААТ «Беларуськалій» Дзмітрыя Кудзялевіча да працаўнікоў апублікаваў тэлеграм-канал страйкаму.

Дзмітрый Кудзялевіч заклікае больш як 6000 рабочых, хто паставіў свае подпісы ў жніўні 2020 пад народнымі патрабаваннямі, з 00.00 19 студзеня выйсці ў італійскі страйк, бо ён мае мінімальныя рызыкі і эфектыўны;

выйсці з праўладных прафсаюзаў, якія сапраўды не зацікаўленыя ў абароне інтарэсаў працоўных і працуюць на кішэню рэжыму;

не хадзіць на матчы салігорскай каманды «Шахцёр», якая падпісала праўладны ліст у падтрымку дыктатара.

«Усё ў нашых руках, усё!

У нас у кожнага ёсць шанец наблізіцца да новага жыцця, зрабіўшы крок.

Злачынна і няправільна думаць «Вось калі ўсё зменіцца, я стану жыць па-іншаму».

Не, спадарства, - у тым і небяспека, што мы ў Новую Беларусь прынясём старыя балячкі.

Эканамічная шкода ідэйнаму ворагу - гэта магутная карысць у нашай справе!

Далучайся да італьянскага страйку!», - заявіў Дзмітрый Кудзялевіч.