Навальнага затрымалі на пашпартным кантролі ў «Шарамеццеве»
- 17.01.2021, 21:17
Расейскі палітык прыляцеў з Берліна ў Маскву.
Расейскага апазіцыянера Аляксея Навальнага 17 студзеня затрымалі ў аэрапорце Шарамеццева. Пра гэта паведаміў «Дождж».
Паводле інфармацыі тэлеканала, Навальны сышоў з паліцыянтамі без сваёй адвакаткі і жонкі Юліі.
Прэс-сакратарка Навальнага Кіра Ярмыш на сваёй старонцы ў Twitter заявіла, што яго папрасілі «некуды прайсці для ўдакладнення абставінаў перасячэння дзяржаўнай мяжы».