СМІ: Трамп пакіне Вашынгтон раніцай у дзень інаўгурацыі Байдэна

• 15.01.2021, 23:16

Афіцыйна пра гэтае рашэнне прэзідэнта ЗША пакуль не паведамляецца.

Прэзідэнт ЗША Дональд Трамп пакіне Вашынгтон у наступную сераду раніцай, перад самай інаўгурацыяй абранага прэзідэнта Джо Байдэна. Як паведамляе «Европейская правда», пра гэта піша агенцтва АР са спасылкай на крыніцу, знаёмую з планамі Трампа.

Афіцыйна пра гэтае рашэнне Трампа пакуль не паведамляецца.

Трамп ужо абвясціў, што не будзе прысутнічаць на інаўгурацыі Байдэна - што з'яўляецца парушэннем традыцыі. Яго месца зойме віцэ-прэзідэнт Майк Пенс.

Чакаецца, што Трамп застанецца ў Фларыдзе з невялікай групай сваіх памочнікаў.

Трамп на працягу некалькіх месяцаў рабіў беспадстаўныя абвінавачванні ў махлярстве на выбарах у спробе дэлегітымізаваць прэзідэнцтва Байдэна. У выніку гэта прывяло да штурму Капітолія яго прыхільнікамі.

13 студзеня Палата прадстаўнікоў прагаласавала за тое, каб Трамп стаў першым прэзідэнтам ЗША, якому двойчы абвясцілі імпічмент.