Удава Аляксандра Тарайкоўскага: Выказванні Карпянкова проста не ўкладваюцца ў галаве
- 15.01.2021, 14:57
Забойцы беларусаў павінны быць пакараныя.
Удава забітага Героя Беларусі Аляксандра Тарайкоўскага пракаментавала тэлеграм-каналу «Белсат» словы псіхапата Карпянкова пра яе мужа:
«П'яніца і дэбіл? У мяне проста няма слоў. Як так можна? Яны забілі мірнага грамадзяніна, а цяпер яшчэ і абражаюць яго. Яны ж так і не распачалі крымінальнай справы. Мала таго, выставілі раней [Тарайкоўскага] тэрарыстам».
Гэта проста жах, я не ведаю, што сказаць, не ведаю, як можна пракаментаваць такія словы. Проста жахліва. Я мяркую, што гэта проста генацыд. У мяне няма спадзяванняў на нейкае справядлівае развязанне справы цяпер.
А выказванні Карпянкова проста не ўкладваюцца ў галаве. Проста забіваюць людзей. Як далей жыць у гэтай краіне, як тут выхоўваць дзяцей?»