Да -22°С чакаецца ў Беларусі ў пятніцу

• 14.01.2021, 19:00

Пройдзе невялікі снег.

Невялікі снег і да -22 градусаў марозу чакаецца ў Беларусі 15 студзеня, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У пятніцу будзе воблачна з праясненнямі. Уначы ў многіх раёнах, а ўдзень месцамі пройдзе невялікі снег. На асобных участках дарог чакаецца галалёдзіца. Вецер прагназуецца паўночны, паўночна-заходні 4-9 м/с.

Тэмпература паветра на працягу дня складзе мінус 13-19 градусаў, месцамі - 20-22 градусы марозу, у паўднёва-заходніх раёнах Беларусі будзе мінус 9-12 градусаў.