Улады ЗША абвясцілі Кубу спонсарам тэрарызму

• 12.01.2021, 10:27

Пастанова Дзярждэпу мае на ўвазе ўвядзенне санкцый.

Дзярждэп ЗША абвясціў Кубу дзяржавай, што спансуе тэрарызм, дапамагае ва ўкрывальніцтве тэрарыстаў. Куба з такой пастановай не згодная.

Пра гэта гаворыцца ў адпаведнай заяве дзяржсакратара ЗША Майка Пампэа.

«Гэтай пастановай мы зноў прыцягваем да адказнасці ўрад Кубы і пасылаем выразны сігнал: рэжым Кастра павінен спыніць сваю падтрымку міжнароднага тэрарызму і падрыву сістэмы правасуддзя ЗША», - гаворыцца ў дакуменце.

У ЗША мяркуюць, што ўрад Кубы дзесяцігоддзямі дапамагаў тэрарыстам у той час, як кубінцы заставаліся галоднымі і не мелі доступу да асноўных лекаў.

У ЗША ўспомнілі пра сябраў калумбійскай Нацыянальнай вызваленчай арміі (ELN), якую амерыканцы прызналі тэрарыстычнай арганізацыяй. Таксама гаворка ідзе пра тэрарыстаў, якія адшукваюцца ФБР.

Акрамя таго, Пампэа абвінаваціў Кубу ў падтрымцы венесуэльскага рэжыму Нікаласа Мадуры.

Такая пастанова Дзярждэпу ЗША мае на ўвазе ўвядзенне санкцый.