Пятро Парашэнка заразіўся каранавірусам
- 29.09.2020, 19:37
Пяты прэзідэнт Украіны лечыцца ад каранавіруснай інфекцыі дома.
Пяты прэзідэнт Украіны, дэпутат Вярхоўнай Рады ад «Еўрапейскай салідарнасці» Пятро Парашэнка захварэў COVID-19. Пра гэта ён паведаміў у Facebook.
«Атрымаў станоўчы тэст на COVID-19. Не своечасова. Вельмі шкадую, што вымушаны зрабіць перапынак у паездках па рэгіёнах. За шэсць апошніх гадоў прывык пераносіць хваробы на нагах. Але гэтая - больш падступная. Значна больш падступная», - напісаў Парашэнка.
З яго слоў, з 29 верасня ён лечыцца дома.