Вялікая Брытанія і Канада ўвялі санкцыі супраць Лукашэнкі ды беларускіх чыноўнікаў

• 29.09.2020, 17:16

(aбноўлена) Краіны выступілі з агульнай заявай.

Вялікая Брытанія і Канада ўвялі санкцыі супраць Лукашэнкі, ягонага сына Віктара і іншых высокапастаўленых чыноўнікаў, паведамляе прэс-служба брытанскага МЗС.

Пад санкцыі трапілі: Аляксандр Лукашэнка, Віктар Лукашэнка, кіраўнік адміністрацыі дыктатара Ігар Сяргеенка, кіраўнік МУС Юрый Караеў, намеснік кіраўніка МУС Аляксандр Барсукоў, намеснік кіраўніка МУС Юрый Назарэнка, намеснік камандуючага ўнутранымі войскамі МУС Казалбек Атабекаў, кіраўнік менскага АМАП Дзмітрый Балаба.

Брытанскія санкцыі супраць Лукашэнкі ўключаюць забарону на ўезд у Брытанію і замарожванне актываў.

Аналагічныя захады ўвяла Канада.