Памежнікі патлумачылі, як будуць пускаць замежнікаў ва Украіну
- 29.09.2020, 11:40
Спіс правілаў.
Дзяржаўная памежная служба апублікавала тлумачэнні наконт уезду ва Украіну замежнікаў пасля скасавання агульнай забароны на ўезд.
Пра гэта паведамляе "Еўрапейская праўда".
Пасля змяненняў у пастанову №641, якая дагэтуль уводзіла агульную забарону на ўезд замежных грамадзян, акрамя вызначаных катэгорый (пастанова Кабміна №888 ад 28 верасня), цяпер уезд магчымы пры наяўнасці поліса страхавання - які "выдадзены страхавой кампаніяй, зарэгістраванай ва Украіне, або замежнай страхавой кампаніяй, якая мае прадстаўніцтва на тэрыторыі Украіны ці дамову са страхавой кампаніяй - партнёрам на тэрыторыі Украіны (асістанс), і кампенсуе выдаткі, звязаныя з лячэннем COVID-19, абсервацыю, і дзейнічае на тэрмін знаходжання ў Украіне".
Гэта патрабаванне не распаўсюджваецца на замежнікаў і асоб без грамадзянства, якія пастаянна пражываюць на тэрыторыі Украіны, і асоб, прызнаных уцекачамі, і грамадзян, якія маюць патрэбу ў дадатковай абароне, а таксама на работнікаў дыпламатычных прадстаўніцтваў і консульстваў, прадстаўніцтваў афіцыйных міжнародных місій і арганізацый, акрэдытаваных ва Украіне, і чальцоў іх сем'яў, вайсковых дзяржаў-чальцоў NATO і дзяржаў-удзельніц праграмы NATO "Партнёрства дзеля міру", якія бяруць удзел у мерапрыемствах для падрыхтоўкі падраздзяленняў Узброеных сіл.
Аналагічнае патрабаванне дзейнічае для перасячэння кантрольных пунктаў уезду-выезду на часова акупаваных тэрыторыях у Данецкай і Луганскай абласцях, Аўтаномнай Рэспублікі Крым і г. Севастопаля.
Патрабаванне пра самаізаляцыю распаўсюджваецца на замежнікаў, якія прыбываюць з краін "чырвонага спісу" Украіны.
У той жа час гэтая норма не распаўсюджваецца на асоб:
- не старэйшых за 12 гадоў;
- студэнтаў, якія прыбываюць ва Украіну з мэтай навучання ва ўстановах вышэйшай адукацыі;
- грамадзян дзяржаў з шырокім распаўсюджваннем COVID-19, якія не знаходзiлiся на тэрыторыі такіх дзяржаў на працягу апошніх 14 дзён ці накіроўваюцца па тэрыторыі Украіны транзітам і маюць дакументы, якія пацвярджаюць выезд за мяжу на працягу двух дзён;
- работнікаў дыпламатычных прадстаўніцтваў і консульскіх устаноў замежных дзяржаў, прадстаўніцтваў афіцыйных міжнародных місій, арганізацый, акрэдытаваных у Украіне, і іх сямейнікаў;
- кіроўцаў і чальцоў экіпажа грузавых транспартных сродкаў, аўтобусаў, якія ажыццяўляюць рэгулярныя перавозкі, чальцоў экіпажаў паветраных і марскіх, рачных суднаў, чальцоў цягніковых і лакаматыўных брыгад;
- інструктараў узброеных сіл дзяржаў-чальцоў NATO і дзяржаў-удзельніц праграмы NATO "Партнёрства дзеля міру", якія бяруць удзел у мерапрыемствах для падрыхтоўкі падраздзяленняў Узброеных сіл;
- дзеячаў культуры з запрашэннямі ўстановы культуры разам з адной асобай, якая суправаджае кожнага з іх;
- асоб, якія ажыццяўляюць перавозкі ствалавых клетак для трансплантацыі;
- асоб, якія маюць адмоўны вынік тэставання на COVID-19 метадам палімеразнай ланцуговай рэакцыі (ПЦР), які праведзена не больш чым за 48 гадзін да перасячэння мяжы.