СМІ: Еўразвяз ударыў па Расеі санкцыямі праз Крымскі мост
- 28.09.2020, 14:45
Афіцыйна абмежаванні будуць аформленыя цягам гэтага тыдня.
Еўразвяз унёс у санкцыйны спіс дзвюх фізічных і чатырох юрыдычных асобаў за будаўніцтва Крымскага моста.
Пра гэта ў панядзелак, 28 верасня, у Twitter паведаміў рэдактар "Радыё Свабода" Рыкард Ёзвяк.
"Амбасадары ЕЗ ухвалілі санкцыі супраць двух чалавек і чатырох кампаній, адказных за будаўніцтва Керчанскага моста", – напісаў журналіст.
Пры гэтым Рыкард Ёзвяк удакладніў, што афіцыйна абмежаванні будуць аформленыя цягам гэтага тыдня.
У той самы час Ёзвяк не паведаміў, супраць каго менавіта будуць уведзеныя санкцыі Еўразвязу.