Суседзі звольненага хакейнага трэнера падзякавалі яму за пазіцыю

• 28.09.2020, 9:40

Аляксандр Рума адкрыта падтрымаў пратэсты.

У мінулую сераду юнацкая каманда краіны ў хакеі пазбавілася галоўнага трэнера: Аляксандр Рума сышоў са сваёй пасады. Спецыяліст стаў адным з нешматлікіх людзей у свеце хакея, хто адкрыта выказваў сваю пазіцыю наконт таго, што адбываецца ў краіне, піша tut.by.

Рума каментаваў жорсткія сілавыя разгоны пратэстаў, казаў аб удзеле тады яшчэ гендырэктара «Дынама» Дзмітрыя Баскава ў праўладных акцыях і падпісваў петыцыю за сумленныя выбары.

Ягоныя суседзі не засталіся ў баку і аддзячылі былому трэнеру, павесіўшы аркуш са словамі: «Аляксандр, мы вамі ганарымся. Грамадзянская пазіцыя і салідарнасць - гэта самае важнае, што ў нас сёння ёсць. Дзякуем».