Ад каранавіруса памёр кіраўнік беларускага футбольнага клуба
- 28.09.2020, 9:10
На 74-м годзе жыцця пайшоў з жыцця старшыня наваполацкага «Нафтана» Леанід Падліпскі.
На чале футбольнага клуба Леанід Падліпскі знаходзіўся з сакавіка 2003 года, паведамляе сайт каманды.
За гэты час наваполацкі «Нафтан» двойчы станавіўся ўладальнікам Кубка Беларусі (2009, 2012).
«Трыбуна» дадае, што ў Падліпскага быў дыягнаставаны каранавірус і ён быў падлучаны да апарата штучнай вентыляцыі лёгкіх.
Раней матч «Нафтана» ў першай лізе быў перанесены праз успышку каранавіруса ў камандзе: паведамлялася аб 7 хворых.