Відэа пра тое, як ШІ зрывае маскі з міліцыянтаў, набрала 925 тысяч праглядаў

• 26.09.2020, 20:43

Зварот IT-спецыяліста да лукашэнкавых карнікаў стаў сапраўднай сэнсацыяй.

Беларускі мастак і распрацоўнік гульняў Андрэй Максімаў паказаў відэа, як штучны інтэлект (ШІ) высвятляе асобы міліцыянтаў на фотаздымках і «зрывае з іх маскі».

Ён прадэманстраваў інструмент, які дазваляе па вачах знайсці асабовыя звесткі супрацоўніка ОМОН і нават аднавіць твар на зыходнай фатаграфіі. Гэтым відэа Андрэй заклікае міліцыянтаў адмовіцца ад загадаў разганяць пратэстоўцаў.

Відэа было апублікаванае 24 верасня на ягоным Youtube-канале. Пад вечар 26 верасня відэа сабрала 925 тысяч праглядаў.