Актывісты «Еўрапейскай Беларусі» спаткаліся ў турме з галоўным рэдактарам «Нашай Нiвы»

• 26.09.2020, 18:12

Сустрэча адбылася ў ІЧУ на Акрэсціне.

Учора ў Менску былі затрыманыя актывісты грамадзянскай кампаніі «Еўрапейская Беларусь» Яўген Афнагель, Павал Юхневіч і Андрэй Войніч. Супраць іх распачатая крымінальная справа паводле ч 2. арт. 293 КК РБ (удзел у масавых беспарадках).

Як паведаміла сайту сharter97.org жонка Яўгена Афнагеля Кацярына, з ёй звязаўся галоўны рэдактар «Нашай Нiвы» Ягор Марціновіч, якога сёння вызвалілі. Ягор распавёў, што знаходзіўся ў камеры разам з Яўгенам Афнагелем і Паўлам Юхневічам. Актывісты Еўрапейскай Беларусі спадзяюцца на хуткую змену сітуацыі ў краіне і сваё вызваленне.