Самбіст Сцяпан Папоў – уладам: Я прывык змагацца, даваць адпор

• 26.09.2020, 12:01

Кіраўніцтва краіны незваротна перайшло чырвоную лінію.

Чэмпіён свету ў самба Сцяпан Папоў у інтэрв'ю «Радыё Свабода» расказаў пра сваё стаўленне да Лукашэнкі:

«Вы ведаеце, я доўгі час заставаўся лаяльным да ўлады. Асаблівых прэтэнзій у мяне не было. Але хто не сляпы, сёння ясна бачыць: кіраўніцтва краіны незваротна перайшло чырвоную лінію. Два месяцы да выбараў і драматычныя падзеі пасля іх цалкам перавярнулі маю свядомасць.

Самае крыўднае, што з цябе спрабуюць зрабіць ідыёта – маўляў, гвалту не было. Так што затыкніся і жыві далей. І з кожным днём цынізм узмацняецца.

І чым больш я супраціўляўся, тым мацней ціснулі. А на спартоўцаў нельга ціснуць. У мяне такі характар, што калі пачынаюць ціснуць, я даю адпор. Я самбіст, прывык змагацца, перамагаць. Так, у нечым складана, цяжка, але гэта значыць, што ёсць нагода мабілізавацца», – сказаў Папоў.