У Менску праходзіць пратэставы «Забег вольных»

• 26.09.2020, 11:47

Спартоўцы праводзяць акцыю ў парку «Дружбы народаў».

Сёння ў парку «Дружбы народаў» праходзіць «Забег вольных».

На дыстанцыю ў парку «Дружбы народаў» выйшлі і дасведчаныя бегуны, мяркуючы з цішотак удзельнікаў паўмарафонаў розных гадоў і менскіх бегавых клубаў, і тыя, для каго бег у навінку. Ёсць і дзеці, і нават сабака, паведамляе tut.by.

Пасля імправізаванага вітальнага слова – пра тое, што кожны робіць той унёсак, які можа: мастак малюе, а бягун, вось, бегае – пакінулі добраахвотны ўнёсак за ўдзел (сродкі пойдуць у фонды, якія дапамагаюць пратэстоўцам) – пабеглі на першае кола.