У суботу ў Беларусі чакаецца да +25°С

• 25.09.2020, 17:28

Будзе пераважна без ападкаў.

Аранжавы ўзровень небяспекі абвешчаны ў Беларусі 26 верасня праз моцны вецер, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У суботу чакаецца пераменная воблачнасць, будзе пераважна без ападкаў. Толькі ўдзень па паўднёвым захадзе Берасцейскай вобласці пройдуць кароткачасовыя дажджы, месцамі навальніцы. Вецер прагназуецца паўднёва-ўсходні 5-10 м/с, раніцай і днём на большай частцы тэрыторыі краіны - з парывамі да 15-20 м/с.

Тэмпература паветра ўначы складзе 11-17 градусаў вышэй за нуль, месцамі - плюс 7-10. Удзень будзе 21-27 градусаў цяпла.