Зварот IT-спецыяліста Андрэя Максімава да карнікаў набрала на YouTube больш за 265 тысяч праглядаў

• 24.09.2020, 21:10

Ён паказаў, як нейрасеціва ўсталёўвае лукашэнкаўскіх сілавікоў і зрывае з іх маскі.

Беларускі мастак і распрацоўшчык гульняў Андрэй Максімаў паказаў відэа, як штучны інтэлект усталёўвае сілавікоў на фотаздымках і «зрывае з іх маскі».

Ён прадэманстраваў інструмент, які дазваляе па вачах знайсці асабістыя звесткі супрацоўніка АМАП і нават аднавіць твар на зыходнай фатаграфіі. Гэтым відэа Андрэй заклікае сілавікоў адмовіцца ад загадаў разганяць пратэстоўцаў.

Відэа было апублікаванае на яго Youtube-канале. За няпоўны дзень відэа сабрала больш за 265 тысяч праглядаў.