Пуцін так і не павіншаваў Лукашэнку з «інаўгурацыяй»
- 24.09.2020, 16:23
Павіншавалі толькі Пекін і дыктатар Туркменістана.
Кіраўнік РФ Уладзімір Пуцін не павіншаваў Лукашэнку з так званай інаўгурацыяй, але практыка міжнародных стасункаў гэтага і не патрабуе, заявіў прэс-сакратар кіраўніка расейскай дзяржавы Дзмітрый Пяскоў у каментары для "Інтэрфакса".
"Не, такога няма абавязковага...Уласна, віншаванне ўжо было", - сказаў ён журналістам у адказе на адпаведнае пытанне.
Адзначым, што Лукашэнку павіншавалі толькі Кітай і дыктатар Туркменістана Гурбангулы Бердымухамедаў.
CША, Канада, Вялікая Брытанія, Украіна і цэлы шэраг краін Еўразвязуф заявілі, што Лукашэнка нелегітымны.