Латвія не прызнала легітымнасць Лукашэнкі

• 23.09.2020, 15:22

З заявай выступіў кіраўнік МЗС краіны.

Латвія не прызнала легітымнасць кіравання Лукашэнкі. Міністр замежных спраў Латвіі Эдгарс Рынкевічс напісаў у Twitter:

- Сакрэтная «інаўгурацыя» Лукашэнкі ў Беларусі не легітымізуе фальсіфікацыі выбараў і ягонага статусу кіраўніка дзяржавы.

На жаль, галасы беларускага народа і міжнароднай супольнасці не маюць значэння, толькі сапраўдны палітычны працэс можа скончыць палітычны крызіс у Беларусі.