Аляксея Навальнага выпісалі з клінікі «Шарытэ»

• 23.09.2020, 10:15

Стан расейскага апазіцыянера палепшыўся.

Стан Аляксея Навальнага палепшыўся, яго выпісалі са стацыянара, паведамляе «МБХ медыя» - са спасылкай на клініку «Шарытэ».

«Стан здароўя пацыента палепшылася да такой ступені, што наданне неадкладнай дапамогі можна спыніць. Аляксей Навальны знаходзіўся на лячэнні ў «Шарытэ» 32 дні, 24 з якіх - у рэанімацыі. Лекары мяркуюць, што магчымае поўнае выздараўленне зыходзячы з папярэдняга курсу і бягучага стану пацыента. Пра якія-небудзь аддаленыя наступствы цяжкага атручвання можна будзе меркаваць пазней», - гаворыцца ў паведамленні клінікі.

20 жніўня Аляксея Навальнага шпіталізавалі ў Омску пасля экстранай пасадкі самалёта, на якім палітык вяртаўся ў Маскву з Томска. Праз два дні яго перавезлі ў Нямеччыну ў клініку «Шарытэ», дзе ён знаходзіўся ў глыбокай коме, яго стан ацэньваўся як стабільна цяжкі. Толькі 14 верасня палітыка адключылі ад апарата ШВЛ.

Урад Нямеччыны паведаміў, што Навальны быў атручаны рэчывам з групы «Навічок». Вайсковая лабараторыя ФРГ знайшла ва узорах скуры, крыві і мачы Навальнага сляды атрутнага рэчыва з гэтай групы. Да такой жа высновы прыйшлі лабараторыі Францыі і Швэцыі.