З 22 верасня беларусы з візамі могуць уязджаць у Польшчу

• 22.09.2020, 12:22

Пры ўездзе трэба будзе прайсці 10-дзённы карантын.

З 22 верасня ўсе беларусы, у якіх ёсць віза, могуць уязджаць у Польшчу. Гэта вынікае з дакумента польскага МУС.

Згодна з дакументам распараджэнне ад 13 сакавіка аб абмежаванні ўезду праз COVID-19 прыпыненае, і цяпер беларусы маюць права ўязджаць у Польшчу.

На сайце Памежнай службы Польшчы таксама сёння з'явіўся спіс тых, хто можа прыязджаць у Польшчу і там пад 18 пунктам пазначаны - грамадзяне Беларусі. Мы можам перасякаць мяжу ў пунктах «Кузніца», «Баброўнікі» і «Тэрэспаль».