Станіслаў Бялкоўскі: Лукашэнку дэманстратыўна зняважылі

• 21.09.2020, 9:47

Сацыяльны база дыктатара працягвае скарачацца.

Расейскі публіцыст Станіслаў Бялкоўскі мяркуе, што сустрэча Лукашэнкі ў аэрапорце Сочы губернатарам Краснадарскага краю - публічнае прыніжэнне. Пра гэта ён заявіў у эфіры «Эхо Москвы».

- Цяпер сітуацыя, здаецца, пераходзіць у рэжым стагнацыі, але сацыяльная база Аляксандра Лукашэнка не пашыраецца. Яна скарачаецца. Ягоны візіт у Маскву на гэтым тыдні паказаў, што Уладзімір Пуцін не ставіцца да яго як да брата, нават дужа малодшага. Невыпадкова ў аэрапорце Адлера ў Сочы Аляксандра Рыгоравіча сустракаў усяго толькі губернатар Краснадарскага краю Веніямін Кандрацьеў.

Спецыялісты этыкету і пратаколу выдатна разумеюць (і не толькі спецыялісты), што гэта дэманстратыўнае прыніжэнне. Усё ж такі спадар Лукашэнка пакуль яшчэ афіцыйна прэзідэнт іншай краіны, з пункту гледжання Масквы. Масква ж не ўважае яго за зрынутага прэзідэнта. Яна падкрэслівае, што ён легітымны кіраўнік, які, быццам бы, перамог на выбарах, у што ніхто, акрамя Масквы, не верыць. Не, яшчэ Науру, Вануату і Кітай, безумоўна, таксама падзяляюць гэтую версію да пары да часу. Вядома, яго павінен быў сустракаць хоць бы міністр замежных спраў, але міністр замежных спраў яго не сустракаў.