Салігорскі шахцёр абвясціў страйк пад зямлёй

• 21.09.2020, 9:11

Ён выставіў шэраг патрабаванняў.

Срайкам «Беларуськалія» паведаміў Cайт Сharter97.org, што адзін з шахцёраў рудніка 4РУ, паводле папярэдніх звестак, пасля начной змены адмовіўся падымацца на паверхню да выканання ягоных патрабаванняў.

Работніка, які застаўся ў шахце, клічуць Алег Кудзелка. Ён перадаў цыдулку, што застанецца ў шахце, пакуль не будуць выкананыя ягоныя патрабаванні. Сярод іх - «спыненне беззаконня сілавікоў, запалохванняў, затрыманняў і збіцця мірнага насельніцтва краіны», а таксама адстаўка генеральнага дырэктара "Беларуськалія".

Нагадаем, раней страйк пад зямлёй абвяшчаў іншы салігорскі шахцёр - Юры Корзун.