Навукоўцы назвалі вітамін, які дапаможа ў барацьбе з каронавірусам
- 15.09.2020, 19:43
Людзі з дэфіцытам гэтага вітаміну хварэюць удвая часцей.
Амерыканскія навукоўцы з Чыкагскага медыцынскага ўніверсітэта запэўніваюць, што недахоп вітаміна D восенню павялічвае рызыку заражэння каранавірусам. Таму каб пазбегнуць другой хвалі гэтага захворвання спецыялісты раяць паклапаціцца пра дастатковы ўзровень гэтага вітаміну ў арганізме, піша lenta.ua.
Да такой высновы навукоўцы прыйшлі, прааналізаваўшы стан здароўя 500 чалавек. Высветлілася, што тыя, у каго быў дэфіцыт гэтага вітаміну, захворвалі новым небяспечным вірусам удвая часцей.
Тлумачаць спецыялісты гэты тым, што вітамін D вельмі важны для нармальнага функцыянавання імуннай сістэмы. Галоўнай яго крыніцай з'яўляецца ўльтрафіялет.
Але паколькі ў асенне-зімовы перыяд атрымаць неабходную дозу вітаміну D такім шляхам складана, навукоўцы рэкамендуюць звярнуць увагу на свой рацыён харчавання і ўключыць у яго прадукты, багатыя гэтым вітамінам. Да іх належаць тлустая рыба і рыбін тлушч, морапрадукты, сыр, яйкі, грыбы.