Жонка футбаліста Вітуса папярэдзіла аб тым, што на ўчастках могуць выдаваць бюлетэні з пазнакамі

• 9.08.2020, 17:01

Будзьце ўважлівыя!

Жонка абаронцы берасцейскага «Дынама» Максіма Вітуса Аляксандра Сокал папярэдзіла, што на выбарчых участках могуць выдаваць бюлетэні з пазнакамі, паведамляе tribuna.com.

«Паводле інфармацыі ад падпісчыкаў, для людзей з белымі бранзалетамі ў бюлетэні для галасавання ў квадраце за іншага кандыдата можа стаяць кропка, намаляваная асадкай. Калі вы возьмеце такі бюлетэнь і прагаласуеце, яго прызнаюць несапраўдным. Нельга ставіць дзве адзнакі за двух кандыдатаў. Калі вам такое далі, патрабуйце ад камісіі складання акта несапраўднасці бюлетэня, паведамляйце аб парушэнні міліцыі і прасіце новы чысты бюлетэнь», - прымацавала паведамленне Сокал у сторыз у Інстаграм.