Эрдаган адмовіўся ад сваёй ініцыятывы ў спрэчцы з Грэцыяй
- 7.08.2020, 17:05
Турцыя аднаўляе свідравальныя працы ва Усходнім Міжземнамор'і.
Свідравальнае судна Барбарос Хайрэцін аднавіла геолага-выведачнае свідраванне ў Міжземным моры. Пра гэта ў пятніцу, 7 жніўня, паведаміў прэзідэнт Турцыі Раджэб Эрдаган у Стамбуле, піша korrespondent.net.
«Мы зноў прыступілі да геолага-выведачнага свідравання ва Усходнім Міжземнамор'і. Мы зноў адправілі Барбарос Хайрэцін выконваць пастаўленую задачу», - сказаў ён.
Эрдаган у канцы ліпеня прапанаваў прыпыніць геолага-выведачныя працы ў Міжземным моры для абмеркавання з Грэцыяй канфлікту вакол выспы Кастэларыза.
Турцыя збіралася накіраваць даследчае судна Oruc Reis і два дапаможныя судны для геалагічнай выведкі ў водах на поўдзень ад грэцкіх выспаў Родас, Карпатас і Кастэларыза.
Гэта ўзмацніла напружанасць у дачыненнях з суседняй Грэцыяй і выклікала крытыку з боку ЗША, Францыі і іншых еўрапейскіх краін.