Швайцарскі банк Basler Kantonalbank пачне працаваць з крыптавалютай

• 3.08.2020, 18:38

Банк надасць кліентам магчымасць захоўваць лічбавыя актывы і гандляваць імі.

З 2021 года швайцарскі банк Basler Kantonalbank пачне надаваць паслугі ў гандлі крыптавалютай і яе захоўванні праз даччыную структуру Bank Cler. Гэта першы выпадак, калі падтрымоўваная ўрадам Швайцарыі кампанія выходзіць на рынак лічбавых актываў, паведамляе Finews са спасылкай на мясцовае выданне, цытуе РБК.

Прэс-сакратарка Bank Cler Наталі Вальтман распавяла, што гэтая матчына кампанія ў будучыні таксама плануе даць кліентам магчымасць працаваць з крыптавалютай. Але спачатку біткойн і іншыя лічбавыя грошы павінны быць апрабаваныя ў Bank Cler, дзе сфармаваны цэнтр лічбавых кампетэнцый.

22 ліпеня Нацыянальны банк ЗША атрымаў адабрэнне на захоўванне крыптаграфічных ключоў ад крыптавалютных гаманцоў. Адпаведны дазвол выдала Управа кантралёра грашовага абарачэння (OCC) у складзе Мінфіна ЗША. У лісце ўстановы гаворыцца, што банкі могуць дэманстраваць больш бяспечныя кастадыяльныя развязанні, чым існыя на рынку прапановы.