Прэм'ер-міністр Фінляндыі выйшла замуж

• 3.08.2020, 17:27

Маладыя распісаліся праз 16 гадоў стасункаў.

Уся Фінляндыя віншуе з доўгачаканым вяселлем свайго прэм'ер-міністра, 34-гадовую Сану Марын, піша woman.ru.

У снежні 2019-га Сана Марын заняла пасаду прэм'ер-міністра Фінляндыі. Маладая жанчына займалася палітычнай дзейнасцю яшчэ з вучобы ў інстытуце і стала самым маладым кіраўніком ва ўсім свеце.

Таксама ў студэнцкі перыяд Сана сустрэла сваё першае і сапраўднае каханне – таленавітага футбаліста Маркуса Райканена.

Закаханыя пачалі сустракацца, калі ім абодвум было ўсяго па 18 гадоў. Далёка не ўсе стасункі ў такім узросце перарастаюць у нешта большае, але з кожным годам Маркус і Сана былі ўсе больш шчаслівымі разам.

У студзені 2018 года ў пары нарадзіўся першынец - дачка Эма. Разумеючы, што ў каханай намячаецца вялікі кар'ерны рост, Маркус наважыў узяць дэкрэтны адпачынак.

Пакуль Сана вяла перадвыбарчую кампанію, футбаліст узяў на сябе большасць клопатаў аб спадчынніцы.

Падчас карантыну, звязанага з пандэміяй каранавіруснай інфекцыі, Марын і Райканен наважылі пабрацца шлюбам. Дачакаўшыся вяртання да звыклага жыцця, закаханыя зладзілі кранальную цырымонію ў рэзідэнцыі кіраўніка ўрада, куды былі запрошаныя толькі родныя і блізкія.

«Я шчаслівая і ўдзячная, што падзяляю сваё жыццё з чалавекам, якога люблю. Мы многае перажылі разам, дзялілі радасці і нягоды, падтрымлівалі адзін аднаго падчас цяжкіх сітуацый. З усіх людзей ён падыходзіць мне больш за ўсё», - напісала ў сваім блогу Сана і падзялілася парай вясельных кадраў.